Antón Borrazás: ''A poesía hai que sentila e a música paréceme a súa compaña perfecta''

P ¿Un sinónimo de Galicia?
R Sometemento.

P ¿Que quería ser de pequeno?
R Home do campo.

P ¿Un libro?
R El primer caballo de Troya, de Juan José Benítez.

P ¿Un lugar?
R Unha illa calquera.

P ¿Un personaxe galego?
R Beiras.

P No recital Mistura III estivo acompañado de músicas africanas e gaitas. ¿Como resultou?
R Tan diverso e complexo faremos para o ano a IV edición de Mistura.

P A súa poesía vai da man doutras disciplinas artísticas. ¿Ata onde hai espontaneidade e ata onde preparación nas súas ‘performances’?
R As máis das veces é unha preparación espontánea. A poesía hai que sentila e a súa compaña perfecta é a música. Cando se conseguen conxugar aluma a harmonía.

P ¿Como son os labores dun poeta? ¿Que método de traballo ten?
R O traballo de poeta non existe. Non traballa, saca á luz sensacións e sentimentos; ás veces conségueo con plenitude; entón a poesía xorde deslumbrante.