Se por San Xoán a sardiña pinga no pan, o día 31 de maio a troita non é menos en Ponte Caldelas. Pódeno confirmar ós moitos comensais que onte acudiron á XLIII edición da festa gastronómica con máis sona das riveiras do río Verdugo.
Aínda que a praia e os demais eventos celebrados na provincia lle restaron un pouco de afluencia, a carpa instalada na alameda encheuse igualmente nas horas centrais do día. Ademais da degustación, a xornada incluíu o concurso de pesca de damas, xuvenís e infantís, así como a entrega de trofeos ós gañadores do campionato nas súas diferentes categorías.
Na individual senior, o primeiro clasificado foi José Luis García Martínez (de Cotobade), seguido por Victorino Míguez Salgueiro e Manuel Morgado Canabal (ambos de Forcarei). Por equipos o ranking quedou formado por Forcarei, Moamar e Mar de Arousa. No apartado de veteranos, os premios foron para Eladio Crego Freijido, José Conde Lorenzo e Luis Alfonso Orge Amoedo. As damas vencedoras foron Alba Castro Bello, Ángeles Torres Charlín e Arantxa Esperón Rivera. Na categoría xuvenil, o primeiro clasificado foi Carlos Gesteira Acuña; e o segundo, Rubén Cabaleiro de Castro. No grupo infantil, alzáronse co triunfo Carmelo Barreiro Torres, Sara Luna Fortes e Manuel Garrido Custodio, respectivamente.
A peza maior capturouna Fernando Muñoz Cantero, de Moamar; e o estranxeiro mellor clasificado foi Joao Carlos da Cunha, de Adufa. A festa rematou cun festival folclórico na alameda animado polo grupo de gaitas dos Coribantes de Buchabade e Airiños de San Xulián de Marín.
