Sés e os seus

Adianto dos contidos do suplemento Táboa Redonda deste domingo

 

Ramón González Rey prende o radar sobre o mapa da música galega actual. Ramón Rozas comenta o poemario Nova York: ceo e mazá, que Fernández Naval escribiu ao pé dos rañaceos. Portorosa defende a perplexidade diante das ideas absolutas. Henrique Mariño descúbrenos as frases que Ana Cermeño atrapa ao voo de Twitter. Camilo Franco explica por que a palabra 'clásico' logra aumentar a afluencia ao teatro. António Lúis Catarino comenta a música desconcertante coa que Georg Friederich Haas resiste ao fascismo austríaco. Manuel Gago fai un apuntamento sobre as máscaras que se poñen os xornalistas para escribir e non facelo sobre si mesmos. Jaureguizar describe a Castelao como monarca por imitación.

Comentarios