Durante esta xornada aínda persistirá a situación anticiclónica e a presenza de aire frío en altura polo que o tempo seguirá moi cambiante. Amenceremos con néboas nas Rías Baixas e nubes noutros puntos do litoral e zonas altas do interior.
Pola tarde medrarán as nubes de evolución ocasionando tormentas no interior da Comunidade, ocasionalmente acompañadas de sarabia e aparato eléctrico.
As temperaturas estarán sen cambios ou en lixeiro ascenso e os ventos soprarán frouxos de dirección variable polamañá e do nordés á tarde.
