miércoles. 25.11.2020 |
El tiempo
miércoles. 25.11.2020
El tiempo

Verán de récord para os petróglifos do parque de Campo Lameiro

As visitas teatralizadas resultaron todo un éxito
As visitas teatralizadas resultaron todo un éxito
As 1.750 visitas de agosto e as 1.650 de xullo consolidan ás instalacións como un referente da arte rupestre

O Parque Arqueolóxico de Arte Rupestre segue medrando temporada tras temporada. Este verán rexistrouse a cifra récord de 1.650 visitantes no mes de xullo e 1.750 en agosto, dos cales a metade procedían de fóra de Galicia, convertendo ó PAAR nun referente da arte repustre a nivel peninsular e mesmo europeo.

O período estival destacou pola ambiciosa programación de actividades que se levou a cabo no espazo, e que congregaron a máis de 700 persoas, unha suba do 30% con respecto ás actividades do ano anterior. Concertos, teatro, obradoiros... Unha ampla oferta, que permitiu experimentar a arqueoloxía dunha forma diferente. As visitas guiadas nocturnas Noitepedras foron a actividade máis exitosa, con arredor de 160 asistentes. A visita destaca especialmente polo sofisticado sistema de iluminación LED, instalado este ano ó redor dos principais petróglifos do parque.

Tamén destacaron as visitas Atardeceres, que exploraron un percorrido alternativo á visita guiada convencional; as diversas visitas teatralizadas, que sumaron outros 160 asistentes; ou Petróglifos e Estrelas, que permitiu observar as estrelas dende a estratéxica situación dos petróglifos, e coñecer as relacións existentes entre a arte rupestre e a astronomía primitiva. Os visitantes tamén tiveron a ocasión de gozar do concerto de Neønymus, un artista burgalés que recrea a través da súa música os sons da Prehistoria, e de diferentes obradoiros que recrearon a vida das persoas na idade de bronce.

As actividades continuarán durante o mes de setembro.

Verán de récord para os petróglifos do parque de Campo Lameiro
Comentarios