A Consellería de Educación e Ordenación Universitaria confirmou onte a adxudicación definitiva da rehabilitación integral do Ceip Plurilingüe de Chancelas. O orzamento para este proxecto ascende a 1.286.230 euros e, ademais de para o centro educativo de Combarro, tamén irá destinado a diferentes melloras noutros colexios da provincia de Pontevedra, como o Ceip San Roque de Darbo (Cangas) ou o colexio Nosa Señora da Piedade (Vila de Cruces).
Tal e como explica a Administración autonómica, os traballos centraranse nas carpinterías do edificio, especialmente na fachada. A maiores, os responsables das tarefas de mantemento arranxarán os falsos teitos e a iluminación. A Xunta de Galicia lembra que a escola poiense xa se viu beneficiada por outras reformas en anos pretéritos, que consistiron na reparación da cuberta ou da caldeira. Os pormenores deste proxecto déranse a coñecer nunha visita que o conselleiro de Educación, Román Rodríguez, realizou ao Ceip Chancelas a principios do pasado verán. Con esta actuación, o que se pretende é compatibilizar a realización das obras coa actividade docente, salvargando as condicións de seguridade dos alumnos. Os responsables do proxecto calculan que o prazo de execución será de dous meses e medio aproximadamente, polo que poderían finalizar antes de que remate o ano.
Por último, con respecto á mellora da iluminación, a actuación busca potenciar a calidade da iluminación nalgunhas das aulas do colexio situado na parroquia de Combarro.
Adjudican el proyecto de mejora del Ceip Chancelas
A actuación inclúe reparacións na fachada, nos falsos teitos e no sistema de iluminación
