A Feira dos Libros Usados celebrada este sábado na Alameda Rosalía de Castro, en Marín, consegue un balance positivo na súa oitava edición. O evento comezou as 10.30 horas, cando xa podíamos ver algúns pontevedreses que se achegaban aos diferentes postos para intercambiar os seus libros.
A cita cultural xa se converteu nun clásico da comunidade educativa da vila, posto que as familias gardan durante o ano as obras xa lidas para levalas ao punto de recollida. Alí, danlle un vale para intercambiar co libro que queiran.
Este ano, o encargado da organización da Feira foi o CEIP A Laxe, a diferencia doutros anos no que o IES Mestre Landín mantíñase á fronte do evento. Cristina Sanmartín, mestra de educación infantil do CEIP A Laxe, afirmou que encargaron 1.000 vales máis co ano pasado "e aínda facía falta algún máis".
A Feira naceu como unha iniciativa para aproveitar os libros e fomentar a lectura. A mestra de Lingua Castelá e Literatura do IES Mestre Landín, Susana Arizaga, explicou que "repartimos preto de 250 vales no centro, pero Cristina fixo 4.000 vales e non chegaron".
Debido ao éxito do evento, a medida que avanzaban as edicións foron incoporándoselle novidades. Nos seus inicios, os libros só se podían entregar nos centros educativos. Sen embargo, este ano o Concello, Museo e Biblioteca de Marín tamén se encargaron de recoller os libros.
"Cada vez hay más volumen de libros y más volumen de familias que se acercan muy temprano para coger los mejores libros", indicou a concelleira de Medio Ambiente e Benestar Social, Marián Sanmartín.
Nos postos dos 12 centros educativos que participaron podíanse atopar libros de todos os xéneros e para todas as idades. Ademais, a actuación de "Uxía a lambona e a banda molona" animou a xornada. Tanto participantes como visitantes agardan con impaciencia a seguinte edición e a idea é que os centros educativos vaíanse rotando cada ano.
