miércoles. 18.09.2019 |
El tiempo
miércoles. 18.09.2019
El tiempo

Laroá será o protagonista musical da noite polas Festas do Carme de Marín

'Orquestra Combo Dominicano'. ALBA SOTELO
'Orquestra Combo Dominicano'. ALBA SOTELO

Ademais, tamén pasarán pola vila agrupacións como Cantigas e Agarimos, Pol ou a Orquestra Combo Dominicano

O grupo de Folc-fusión Laroá protagonizará este luns o momento álxido das Festas do Carme en Marín. O folclore constitúe o fío narrativo das celebracións: tras a actuación de Cantigas e Agarimos chega a banda pontevedresa para mostrar o amplo abano tímbrico dos diferentes instrumentos e músicos que a conforman. A cita co público está programada para as dez e media da noite na Alameda, o punto de encontro habitual das actividades festivas.

A agrupación con pintadas de influencias africanas, mediterráneas, latinas e, por suposto, galegas, pechará o día para dar paso, o martes, ao grupo de pop Pol, que tocará á mesma hora.

O ciclo de actividades proseguirá o mércores 10 de xullo coa celebración dunha misa ás oito da tarde na honra de San Cristovo, seguida dunha procesión que sairá dende a igrexa. Ás once chegará o ritmo e o movemento en forma de verbena coa actuación da Orquestra Combo Dominicano.

Laroá será o protagonista musical da noite polas Festas do Carme de...
Comentarios