viernes. 14.05.2021 |
El tiempo
viernes. 14.05.2021
El tiempo

Moaña acolle un novedoso sistema de alimentación acuícola intelixente

Un momento da visita ás instalacións este luns. CEDIDA
Un momento da visita ás instalacións este luns. CEDIDA
O proxecto foi desenvolto por un consorcio de empresas galegas e achegou tecnoloxía propia á industria
Un consorcio de empresas galegas liderado por Feeding Systems desenvolve o primeiro sistema autónomo e intelixente para a alimentación de gaiolas acuícolas de pequeno e mediano tamaño instalado nunha plataforma flotante enerxéticamente eficiente. Así o describe a propia empresa, que levou a cabo este luns a presentación oficial do seu novedoso sistema.

A directora da Axencia Galega de Innovación (Gain), Patricia Argerey, acudiu este luns a Moaña para coñecer de primeira man o proxecto, que conta cunha inversión de máis de 600.000 euros a través da convocatoria Conecta Peme da Vicepresidencia segunda e Consellería de Economía, Empresa e Innovación e que está cofinanciado polo Programa Operativo Feder Galicia 2014-2020.

O proxecto Seafeed: Alimentador flotante para acuicultura permitirá optimizar os procesos de alimentación da acuicultura mariña a través dun modelo virtual de xestión intelixente que aplica técnicas de aprendizaxe automática e que facilita o control de todo o proceso.

A través do uso dun software de xestión, este sistema posibilita a mellora dos procesos de produción e se adapta a calquera tipo de instalación acuícola mariña, sen importar o seu tamaño, a especie cultivada ou a natureza do penso de engorde.

Así mesmo, grazas a un sistema de xeración de enerxía eléctrica a partir de renovables, atópase instalado sobre unha plataforma de baixo tonelaxe, eficiente, segura e autónoma, por primeira vez no sector, segundo destacou a propia empresa.

COOPERACIÓN GALEGA. A tecnoloxía detrás deste proxecto é obra dun consorcio de empresas galegas, liderado por Feeding Systems, coñecido polo seu nome comercial Fish Farm Feeder, e que contou tamén co traballo de Quantum Innovative, Engranor e Montajes Cancelas e coa colaboración dos grupos de investigación da Universidade de Vigo Cima e Ecimat. Unha cooperación que achegou tecnoloxía propia á industria acuícola galega para poder facelo posible.

Colaborando naquelas tareas nas que contan con máis experiencia, Engranor construíu o dosificador de alimento, Montajes Cancelas a plataforma flotante, Quantum Innovative, os sistemas de alimentación eléctrica, mentres que a xestión do conxunto e a ensamblaxe final recaeu sobre Feeding Systems.

Moaña acolle un novedoso sistema de alimentación acuícola intelixente
Comentarios
ç