O Museo Manuel Torres continúa ampliando os seus fondos grazas ás doazóns desinteresadas que realizan os veciños e veciñas da localidade. Esta semana, o profesor do colexio O Sequelo, José Antonio Pazos Pazos, fíxolle entrega ao Museo Manuel Torres duns documentos que lle fixeron chegar os veciños de Marín e que decidiu que pasasen a formar parte do patrimonio da localidade.
Os documentos doados por Pazos son uns libros de contas do antigo Liceo Casino, que datan de 1947 e 1951. Tamén entregou un Cancioneiro do Homenaxe ao músico marinense Francisco Landín Pazos en 1968, titulado Airiños Mareiros, e unha copla do Maio Verdadeiro, datado de 1965.
A concelleira Itziar Álvarez foi a encargada de recoller estes documentos, que dende esta semana forman, xunto a outras moitas pezas, parte da historia do Museo Manuel Torres.
