jueves. 02.12.2021 |
El tiempo
jueves. 02.12.2021
El tiempo

Os pescadores recreativos poderían acceder aos portos de noite

Pescadores deportivos do Morrazo manifestándose en setembro. RAFA FARIÑA
Pescadores deportivos do Morrazo manifestándose en setembro. RAFA FARIÑA
Portos de Galicia abriu a porta a unha posible colaboración doutras administracións para garantir a vixilancia durante esta práctica
Representantes dos pescadores deportivos e recreativos da comarca do Morrazo e do resto de Galicia reuníronse este luns coa presidenta de Portos de Galicia, Susana Lenguas, para clarexar o contido da resolución que levanta a prohibición de practicar esta actividade nos peiraos autonómicos.

Nesta xuntanza, na que estiveron presentes Chacho Iglesias, en representación dos pescadores do Morrazo, e Fernando Piñeiro, presidente da Asociación Galega pola defensa da Pesca Recreativa, entre outros, Lenguas reiterou que esta normativa atende a criterios de prevención e compatibilidade entre as actividades portuarias e abriu a porta a unha posible colaboración doutras administracións para garantir a vixilancia noutras zonas dos portos para que puidesen, nese caso, abrirse a esta práctica.

Nesta liña, Iglesias e Piñeiro plantexaron a posibilidade de establecer un horario nocturno para poder pescar, unha posibilidade que podería levarse a cabo sempre e cando "exista un dialógo con concellos afectados, é dicir, que sexan eles os que se encarguen de levar a cabo o tema da vixilancia".

O representante do Morrazo fixo unha valoración positiva da reunión. "Creo que hemos avanzado mucho. Se ha establecido un diálogo con Portos y parece que empiezan a escucharnos. Ahora el siguiente paso sería establecer dónde podemos pescar, pero siempre estará condicionado por los horarios, que no es algo que nos hayan asegurado", explicou Chacho Iglesias.

Iglesias tamén criticou a falta de posición do Concello de Bueu, xa que "todavía seguimos esperando a que nos llamen para tratar este tema desde la movilización que hicimos en septiembre".

MELLORA DO PEIRAO. A Consellería do Mar, a través de Portos de Galicia, traballa nun proxecto de mellora da accesibilidade para os usuarios dos servizos de pasaxe do peirao pontevedrés de Bueu. O proxecto inclúe a instalación dunha pasarela de uso exclusivo peonil no bordo do cantil. Deste xeito, preténdese separar o tránsito peonil nos momentos de embarque e desembarque de pasaxe da circulación rodada que realiza outro tipo de actividades de carácter portuario.

As actuacións tamén afectarán á contorna da rúa Xoán Carballeira, coa reordenación da zona de contedores e as paradas de autobuses, mellorando a ordenación do conxunto do solo portuario. Este proxecto atópase nunha fase avanzada de redacción e contará cun orzamento estimado de arredor de 100.000 euros.

Os pescadores recreativos poderían acceder aos portos de noite
Comentarios
ç