Isolina Villanueva Reboiras, concelleira popular en Bueu, presentou este mércores unha solicitude ante o Concello de Bueu co obxectivo de paliar "uno de los problemas más graves del casco urbano de nuestro municipio", referíndose á presenza de xeringas e toxicómanos na Praza Massó, dentro do recinto que alberga un pequeno xardín de canas de bambú.
"Desde hace ya varias semanas he recibido diferentes quejas de progenitores, altamente preocupados por esta situación", aseverou tras demandar ao Concello diferentes medidas para garantir a seguridade de toda a cidadanía, como a intensificación de presenza policial na praza, aumento da limpeza e a mellora do xardín de bambú.