A empresa siderúrxica Fundiciones Rey celebrou este venres o seu 75 aniversario en Vilagarcía de Arousa. O conselleiro de Industria, Francisco Conde, acudiu ao acto e saliento "o éxito da fórmula da compañía arousana, respectando o modelo familiar desde hai xa catro xeracións".
Conde sinalou que se debe ao esforzo dos seus traballadores e á tenacidade das súas consignas. O conselleiro destacou catro puntos fundamentais que explican a continuidade da compañía: a diversificación -elaboran dende pequeno obxectos de bronce ata material para o sector naval-; a formación -coa aprendizaxe do persoal-; a innovación -mellorando a colaboración con Aimen e a siderúrxica Mondragón-; e a internacionalización -cunha delegación, por exemplo, en Perú-.
