Unha persoa necesitou asistencia médica tras inhalar fume dun incendio orixinado na súa cociña da Rúa Fontecarmoa, no municipio pontevedrés de Vilagarcía de Arousa.
O 112 Galicia tivo coñecemento do suceso mediante a chamada do persoal de urxencias sanitarias ás 13.45 horas. Durante a comunicación, indicaban que acudían ao número 88 tras ser informados dun incendio nunha cociña.
Dese xeito, os xestores do 112 pasaron aviso aos Bombeiros do Salnés, aos membros do Servizo Municipal de Emerxencias de Vilagarcía e aos axentes da Policía Local e Nacional.
Xa no lugar, os equipos de intervención confirmaron que o propietario da vivenda logrou atallar as lapas e que o lume afectou a campá extractora e algúns mobles da cociña. Así, os equipos de extinción procederon a cortar o subministro eléctrico e a ventilar a estancia.
A persoa afectada foi trasladada ao centro hospitalario de referencia con síntomas de intoxicación por inhalación de fume.
