domingo. 22.09.2019 |
El tiempo
domingo. 22.09.2019
El tiempo

Licitada a obra do Ceip de Vilalonga, que estará operativo no curso 2020/21

Escolares coas súas mochilas. DP
Escolares coas súas mochilas. DP

O edificio estruturarase en tres plantas, contará con ximnasio, biblioteca, aula de informática, un gran patio central e unha pista polideportiva

A Consellería de Educación vén de licitar a obra do novo CEIP en O Revel, Vilalonga, por un importe de 5,13 millones de euros. A previsión é que o centro, que terá capacidade para 450 alumnos, estea operativo no curso 2020/21.

Segundo informou o Goberno galego nun comunicado, o centro dará resposta ás necesidades de escolarización dunha zona na que o centro de referencia é o CEIP Cruceiro, "moi antigo".

O centro albergará 18 aulas docentes (6 de infantil e 12 de primaria), 4 aulas de apoio educativo, aula de usos múltiples, biblioteca, aulas de informática e música, ximnasio e comedor así como unha zona de administración que incluirá despacho do director, do xefe de estudos e de coordinación e orientación, secretaría e arquivos, sala de profesores, Anpas, aseos e conserxería. Así mesmo contará cos servizos comúns correspondentes. 

O centro e as súas instalacións ocuparán preto de 15.000 metros cadrados

O edificio estruturarase en tres plantas, pequeno semisoto, planta baixa e primeira. Na planta semisoto situaranse as zonas de instalacións e o ximnasio, mentres que a planta baixa albergará os accesos ao centro, a sala de comedor-usos múltiples, sala de profesores, administración, aulas de infantil e desdobre, así como a biblioteca, aula de informática e un gran patio central. Na planta primeira estarán as aulas de primaria, a de música e a de orientación. Na zona sur na zona libre da parcela haberá unha pista polideportiva. 

O Concello de Sanxenxo xa puxo a disposición da consellería dos terreos necesarios, que suman en total preto de 15.000 metros cadrados.

Licitada a obra do Ceip de Vilalonga, que estará operativo no curso...
Comentarios