As altas temperaturas que alcanzaron a auga tras unha avaría nun quentador provocaron unha serie de queimaduras no ocupante dun inmoble en Vilagarcia de Arousa.
Por mor das lesións, o varón tivo que ser trasladado ao centro hospitalario de referencia.
O 112 Galicia tivo constancia dos feitos ás 22:00 horas da noite deste venres. Segundo a información recibida, ao intentar conter unha fuga de auga, provocada polo mal funcionamento da resistencia do aparello, o home acabou queimándose.
Ata o lugar do incidente desprazouse unha ambulancia de Urxencias Sanitarias de Galicia-061, os Bombeiros de Vilagarcía, membros do GES da localidade e axentes da Policía Nacional e Local.