miércoles. 23.06.2021 |
El tiempo
miércoles. 23.06.2021
El tiempo

A Xunta deixa 350.000 euros en Sanxenxo para a hostelería: "Este será un bo verán"

Os propietarios do restaurante Carmen, un dos locais beneficiados, recibiron ao vicepresidente da Xunta. GONZALO GARCÍA
Os propietarios do restaurante Carmen, un dos locais beneficiados, recibiron ao vicepresidente da Xunta. GONZALO GARCÍA
O alcalde, Telmo Martín, valorou positivamente o investimento en 33 restaurantes do municipio

Un total de 33 locais de hostelería de Sanxenxo resultaron beneficiados entre os 11 millóns de euros que a Xunta destina á mellora de equipamentos exteriores nos establecementos de toda a comunidade. En concreto, a Administración autonómica deixou no municipio 350.000 euros, tal e como explicou o alcalde, Telmo Martín, que este xoves, durante a visita do vicepresidente da Xunta, Alfonso Rueda, acompañado do delegado territorial, Luís López, salientou a importancia desta achega para un municipio que "vive do turismo, e as cousas cambiaron moito". Segundo valorou Martín, "afortunadamente o verán pasado foi mellor do agardado" polo que, para a vindeira tempada estival depositou as esperanzas na apertura de Galicia "ao mundo enteiro, pero tamén ao resto de España e Portugal, que é o que máis nos interesa. Creo que este será un bo verán", aventurou o alcalde.

Neste sentido, asegurou que, dende o Concello, "estamos traballando para que as persoas que veñan se sintan como na casa dentro dun restaurante. Sanxenxo está na boa dirección e sen a axuda da Xunta sería imposible", asegurou.

A achega realizada pola Xunta para os locais de hostelería permitirá, tal e como explicou o vicepresidente autonómico, "adecuarse aos novos tempos, con outro xeito de gozar do ocio e da hostelería que ten máis que ver con espazos abertos, cando se poida, e con separacións". Os locais destinarán as respectivas contías á mellora das terrazas, que "agora van ter moito máis uso e precisaban modernizarse a nivel de mobiliario e estrutura", explicou Rueda.

Tal e como detallou o vicepresidente, as contías "xa están concedidas" e "a maioría" delas "ingresadas, e as demais irán nos próximos días". Neste sentido, o sanxenxino restaurante Carmen, que recibiu a visita dos representantes das administracións, xa ten comprometidos os máis de 6.000 euros que lle corresponden para a renovación do mobiliario da terraza, tal e como explicou o propietario, José Ramón Varela, que salientou a "necesidade de axudas" para o sector, "sobre todo polo castigo que tivemos durante a pandemia. Estamos agradecidos á Xunta e ao Concello e valoramos de xeito positivo estas achegas para poder sobrevivir no futuro inmediato", dixo.

Pola súa banda, Rueda agarda "chegar a eses meses de verán que aquí son tan importantes cunha situación que se non é completamente normal, se pareza moito". 

A Xunta deixa 350.000 euros en Sanxenxo para a hostelería: "Este...
Comentarios
ç