PONTEVEDRA. A primeira edición do salón Edugal amosará a partir de mañá e ata o sábado a oferta formativa de 38 entidades de España, Portugal e Irlanda, dirixida a todos os públicos.
O evento busca converterse nun punto no que consultar as posibilidades formativas ás que poden acceder todo tipo de asistentes. A entrada será gratuíta, partindo da base de que «la formación es una constante en la vida profesional de cualquier persona». Así o afirmou onte en rolda de prensa o director xeral da feira, Eduardo Barros, acompañado do director xerente da Asociación de la Mediana y Pequeña Empresa (Aempe), Ermenegildo Novoa, e membros da Escola Naval Militar, que participa no evento.
A organización do evento está a acadar os obxectivos que se propuxera, ao completar os 40 stands dispoñibles no recinto feiral, e xa pensa na súa «vocación de permanencia» cunha nova edición prevista para febreiro de 2013.
Aínda que o groso da programación se desenvolverá no recinto feiral, as xornadas técnicas FORMAedugal sairán á rúa na súa inauguración. Deste xeito, ás 19.30 horas a praza da Peregrina acollerá mañá a conferencia do escritor e guionista Albert Espinosa. O autor do exitoso libro ‘Si tú me dices ven lo dejo todo... pero dime ven’ e do guión de ‘Planta cuarta’ falará da súa experiencia persoal.
|
Consiga AQUÍ la información completa |
