Teatro para expertos

Un astronauta chega a un planeta descoñecido e atópase cunha extraterrestre que, por suposto, é de cor verde. Un A maiúsculo do que xorden soños e aventuras. Unha moza confesa sobre un escenario que se encarga do mundo e que busca substituto para o seu traballo. Todas estas historias caben no ciclo de teatro familiar Domingos do Principal, que volve despois do Nadal para satisfacer as demandas do público infantil da cidade, bo coñecedor desta arte.