Unha cata de cervexa no Gastroespazo do Mercado de Abastos trouxo este luns a Pontevedra a Xosé Magalhaes, cociñeiro e responsable de Ceibe, restaurante ourensano que en 2022 logrou unha Estrella Michelin. O chef fíxose cargo da tapa de polbo que se serviu no evento, que forma parte da programación de Etiqueta Negra.
Ao acto acudiron, entre outros, a concelleira de Promoción Económica, Anabel Gulías. Tamén responsables de distintos locais de hostalería da cidade, como Iñaki Bretal, propietario e chef do único restaurante con Estrella Michelin de Pontevedra (O Eirado).
Durante a cata servíronse distintos tipos de cervexa, todas elas da marca Estrella Galicia, compañía que patrocina a sétima edición de Etiqueta Negra, que se celebrará entre este sábado e o luns no Recinto Feiral.
Más de 80 expositores
A feira do gourmet galego, unha das máis importantes a nivel gastronómico do país, contará con máis de 80 expositores. Entre eles haberá produtores de conservas e de viño, cervexa, queixos, embutidos ou postres. Todos eles destacan pola calidade das súas propostas, moitas delas artesás e moi pegadas á terra.
O evento, que organiza o Concello de Pontevedra e no que tamén colabora a Deputación, tamén contará con mostras de cociña en directo e espazos para que o público poida tomar algo. Haberá un posto de hamburguesas de todo tipo (tamén opcións veganas), outro de doces e café.
