A asociación de veciños Eduardo Pondal promove este sábado, por quinto ano consecutivo, a actividade que recupera a mítica figura do Nadal galego: O Apalpador, carboeiro que nestas datas baixa do monte para apalpar as barrigas dos nenos e darlles castañas.
A chegada do Apalpador será as 17.00 horas, cando dará unha volta por todo o barrio acompañado dos gaiteiros da asociación.
Entre as 19:00 e as 19.30 estará no centro social do Gorgullón e a esa mesma hora está programada unha obra de teatro infantil.
A partir das 20.15 ofreceranse uns petiscos con música de pandeiretas para despedir a festa.
