O BNG denunciou a través das redes sociais a aparición de pintadas na casa da concelleira en Pontevedra e candidata nacionalista ao Congreso, Carme da Silva.
"A mafia nunca dorme. No BNG tampouco; seguiremos traballando arreo por Pontevedra, porque o mellor está aínda por vir, e tamén seguiremos traballando para que a nosa compañeira Carme da Silva sexa deputada no Congreso para termos voz propia. Carme, todo o apoio e toda a forza!", escribiu a formación en Twitter, xunto a unha imaxe da pintada, na que se ve unha diana baixo o nome "Dasilva".
A mafia nunca dorme. No BNG tampouco; seguiremos traballando arreo por Pontevedra, porque o millor está aínda por vir, e tamén seguiremos traballando para que a nosa compañeira #CarmeDaSilva sexa deputada no Congreso para termos voz propia. Carme, todo o apoio e toda a forza!😘💪 pic.twitter.com/o0AVswZZ5V
— BNG (@obloque) 23 de marzo de 2019
O acto vandálico foi repudiado tamén polo alcalde da cidade do Lérez, Miguel Anxo Fernández Lores, quen tamén mandou unha mensaxe de ánimo á súa compañeira de equipo: "Ante a aparición destas pintadas na casa da concelleira Carme da Silva, quero manifestar todo o meu apoio á nosa compañeira. Imos continuar a defender os intereses de Pontevedra por riba de todo".
Ante a aparición destas pintadas na casa da concelleira Carme Da Silva, quero manifestar todo o meu apoio á nosa compañeira. Imos continuar a defender os intereses de Pontevedra por riba de todo. #EuTaménSonDaSilva#AgoraGaliza #AdiantePontevedra #Lores2019 pic.twitter.com/ClPRQqAvbB
— Miguel Anxo F. Lores (@Lorespontevedra) 24 de marzo de 2019
O debuxante Kiko da Silva, integrante tamén da lista do BNG ás xerais pola provincia de Pontevedra, tamén denunciou vía Twitter os feitos: "Esta imaxe non é democracia, é un eco dun pasado gris que non queremos. O BNG e Carme da Silva non se vai deixar amedrentar".
Esta imaxen NON É DEMOCRACIA, é un eco dun pasado gris que non queremos. O BNG e Carmen da Silva non se vai deixar amedrentar.
— kiko da silva (@dasilvakiko) 23 de marzo de 2019
Desde a oposición, o candidato do PP á alcaldía de Pontevedra, Rafa Domínguez, tamén amosou o sei apoio á edil aínda que dun xeito máis crítico coa formación nacionalista: "La falta de diálogo del BNG de Lores y su soberbia después de 20 años en el poder no justifican esto. En democracia hay votos, no dianas. Eso es algo que por desgracia hemos tenido que recordar durante años en el PP".
La falta de diálogo del BNG de Lores y su soberbia después de 20 años en el poder no justifican esto. En democracia hay votos, no dianas. Eso es algo que por desgracia hemos tenido que recordar durante años en @populares pic.twitter.com/hcJPMire4H
— Rafa Domínguez (@RafaDominguezPo) 23 de marzo de 2019
