domingo. 05.04.2020 |
El tiempo
domingo. 05.04.2020
El tiempo

Aplican desde este luns cambios na circulación rodada no Gorgullón para evitar tráficos de paso

Colocación do pavimento na rúa Gorgullón. JAVIER CERVERA
Colocación do pavimento na rúa Gorgullón. JAVIER CERVERA

Esta medida consiste en evitar o exceso de tráfico das rúas adxacentes e realizarase a partir das 8 horas do día

O Concello de Pontevedra modificará a circulación do tráfico na rúa Gorgullón dende esta mesma mañá ás 08.00 horas, segundo anunciou este luns nun comunicado. O propósito é evitar o tráfico de paso para fuxir da rúa Eduardo Pondal, xa que se detectou un incremento de vehículos que usaban este vieiro como atallo para chegar á estación.

A proposta definitiva, consensuada coa asociación de veciños, pasa por evitar os tráficos dende un extremo a outro da rúa, polo que se pechará con morróns á altura da recén peonalizada rúa do Muiño.

Deste xeito, no primeiro tramo, entre a avenida da Estación e a rúa do Muíño, os vehículos poderán entrar polo Gorgullón e saír polo primeiro tramo da rúa da Moa.

No segundo tramo de Gorgullón, os vehículos poderán acceer pola avenida Eduardo Pondal e saír por Gorgullón cara a rotonda de Uxío Novoneira. As rúas Curtidoira e Pedro Sarmiento de Gamboa tamén confluirán no Gorgullón para saír pola citada rotonda. A circulación dentro da praza da Curtidoira continuará igual que ata o de agora.

O concelleiro de Mobilidade, Demetrio Gómez, explicou que este plan de mobilidade rodada partiu de manter o sentido do tránsito peonil de fora a dentro da cidade, seguindo o trazado do Camiño de Santiago.

O Concello fixo unha campaña informativa nos portais e entradas de garaxe das rúas afectadas, para que a veciñanza estivese ao corrente dos cambios que agora se poñen en marcha, apuntou nesta mesma nota.

Aplican desde este luns cambios na circulación rodada no Gorgullón...
Comentarios