Pontevedra acolle esta fin de semana a ruta de tapas asociada á feira 'O Mellor da Terra'. Impulsada polo Concello ao abeiro do evento gastronómico, o pistoletazo de saída veu da man da edil de Promoción Económica, Yoya Blanco, e o tenente de alcalde, Tino Fernández, ademais de representantes de Hoempo.
Deste xeito, cada un dos establecementos hostaleiros participantes escolleu un dos productos presente nos 26 stands que conforman a iniciativa, que busca poñer en valor os alimentos ecolóxicos, naturais e de proximidade. Cada local concibiu unha tapa coa súa elección, que ofertará para degustación durante estes días.
A feira estenderase deste este venres, 7 de maio, ata o domingo 9, en horario ininterrompido de 11.00 a 21.00 horas.