miércoles. 17.07.2019 |
El tiempo
miércoles. 17.07.2019
El tiempo

As autoridades piden precaución polo ascenso das mortes ao volante

Simulación dun estado alterado polo onsumo de alcol. DAVID FREIRE
Simulación dun estado alterado polo onsumo de alcol. DAVID FREIRE

A subdelegada, a xefa provincial de Tráfico e o capitán do Subsector da Guardia Civil deron detalles sobre a accidentalidade en 2019

A subdelegada do Goberno en Pontevedra, Maica Larriba, acudiu xunto coa directora provincial da Dirección Xeral de Tráfico, Paula Yubero, e o capitán da Garda Civil do subsector de Tráfico, Leovigildo Villar, ás instalacións da DXT na cidade do Lérez para participar na xornada de seguridade viaria dos escolares de bacharelato do IES Frei Martín Sarmiento. Tratábase da vintena de alumnos que foron gañadores do concurso de relato curto sobre violencia de xénero convocado o pasado 25 de novembro pola subdelegación do Goberno.

As autoridades presentes aproveitaron para analizar as últimas estatísticas de accidentalidade nas estradas da provincia de Pontevedra, que arroxan unas cifras "moi malas" en vítimas mortais, tal e como as cualificou Maica Larriba.

Larriba subliñou que "podemos cualificar os cinco primeiros meses deste ano como malos pola alta cifra de falecidos nas estradas provinciais. Rexistramos once accidentes mortais con 13 falecidos na provincia. O ano pasado nestes primeiros cinco meses os accidentes mortais foran catro e os falecidos tamén catro".

Sobre esta cuestión ofreceu un matiz Leovigildo Villares, capitán do Subsector de Tráfico da Guardia Civil, que explicou que a comparación respecto ao ano 2018 é difícil por ter sido un periodo cunha mortalidade moito menor que a media.

Os mozos e mozas participantes puideron comprobar como funciona un radar ou un alcolímetro, ademáis de recibir clases prácticas sobre as normas de tráfico

Con todo, a subdelegada tamén quixo destacar que "o volume total de accidentes descendeu nun cinco por cento nestes cinco primeiros meses. Pasamos de 1.351 entre os meses de xaneiro e maio de 2018 aos 1.294 accidentes en 2019".

Os accidentes con feridos leves e graves diminuíron sensiblemente en menos do 24%. "Pasamos dos 552 do primeiros cinco meses de 2018 a 425 de leste mesmo período de 2019".

Ademais, Larriba incidiu en que, no que vai de ano, sen ser datos consolidados, a velocidade estivo presente en cinco accidentes mortais, as distracións en seis e o alcol e as drogas, en un. "Con estes datos parciais, é momento de reflexionar sobre o noso uso responsable ao volante e o cumprimento das medidas de precaución esixidas para corrixir esta tendencia" tal e como recoñeceu a subdelegada.

Maica Larriba tamén quixo facer fincapé na responsabilidade de todos, sociedade e institucións, para seguir na tendencia anual dun menor número de accidentes e de falecidos e feridos. "En 2018, os accidentes mortais foron 24 e o 41% deles foron saídas de vía. En 2017 houbo vinte vítimas mortais nas estradas provinciais. O setenta por cento foi por saídas de vía". Como se pode comprobar cos datos recollidos, "as saídas da vía son unha das causas principais dos accidentes con vítimas mortais nas estradas da nosa provincia. Por iso é continuo o noso chamamento para atender ao máximo á condución sen reparar a reclamos externos que nos poidan facer perder de vista a estrada", engadiu a subdelegada de goberno.

Para finalizar, tamén quixo aproveitar a presenza dos responsables de DXT e da Guardia Civil de Tráfico para seguir intensificando as campañas de concienciación no uso de todas as medidas de seguridade ao volante, "esixíndonos a nós mesmos o seu cumprimento pero tamén coa certeza que seguiremos vixiando a execución das mesmas por toda a cidadanía e en especial nos meses estivais, contando con todos os recursos dispoñibles por parte do Estado".

Finalmente, nesta xornada de seguridade viaria desenvolvida este venres, os mozos e mozas participantes puideron comprobar como funciona un radar ou un alcolímetro, ademáis de recibir clases prácticas sobre as normas de tráfico. Traballaron, ademais, cuns lentes para simular as sensacións que provoca o exceso de alcol no organismo.

As autoridades piden precaución polo ascenso das mortes ao volante
Comentarios