Cen anos depois de nacer en Viveiro (Lugo), o centro educativo que leva o seu nome homenaxeou ao poeta Carlos Oroza cunha colección de petiscos e cócteles inspirados nas vilas, cidades e illas nas que viviu ao longo da súa vida. Foi o showcooking con degustación para cen persoas no Anfiteatro 1906.
Cada bocado representou un momento ou un lugar particular na vida do autor, coa idea de proporcionar un contexto cultural e histórico á súa vida e obra. Para iso a degustación acompañouse dunhas proxeccións de fotografías de Oroza, desde a súa xuventude á súa etapa beat, ademais do seu paso por Ibiza, Nova York e Madrid. Mesmo puideron verse unhas imaxes do cameo que protagonizou, interpretándose a sí mesmo, na película ¿Por qué te engaña tu marido?, de Manuel Summers, rodada en 1969 na illa Pitiusa, baseada na novela homónima de Wenceslao Fernández Flórez.
Baixo a tutela dos profesores Paco Moreno, Noa Seijo e Mario Vinagre, o alumnado de 2º de Panadería, Repostería de Confeitería e de 1º de CM de Servizos en Restauración do CIFP Carlos Oroza elaboraron tres petiscos e tres cócteles. Una alumna de Guía, Rosa Núñez, conduciu o acto.
Moreno explicou que para "tocar o mar", en alusion a Viveiro ou Vigo, se elaborou unha tosta "de pan galego coa miga apretada con centeo e trigo". A idea era utilizar pescada, pero sendo luns e con mal tempo, substituíuse por bacallao. Engadíuselle "unha salsa romescu, que utilizan en Ibiza, e alioli". Completouse con puré de cogomelos e castañas e un toque de mel para darlle dozura, así como brotes da Horta do Oroza e algo de alga. "Un concentrado de mar nunha tosta, xugosa e rica".
A etapa neoiorquina –Oroza chegara á cidade dos rañaceos en 1975– estivo protagonizada polo famoso ovo Benedict do Waldorf Astoria. "Fixemos unha readaptación: unha esfera de pan rechea dun pouco de panceta de porco celta, un ovo revolto e encima unha salsa holandesa".
Xa en Madrid, "dicían que estaba continuamente no Café Gijón", polo que adaptaron o típico café con leite a unha sobremesa: un biscoito de castañas cun tocinillo de café, tona en vez de leite "e convertémolo nun carajillo, en lugar de usar coñac queimado usamos un licor de crema tostada".
Vinagre, pola súa banda, explicou que á hora de elaborar os cócteles, os tres con alcohol, "buscamos cosas muy atlánticas, autóctonas, interpretando la coctelería internacional adaptada a los parámetros gallegos", con "producto gallego, espuma con agua de mar... Buscando paralelismo de la uva albariño con frutas tropicales". É o caso do que elaboraron para acompañar o ovo Benedict, típico dun brunch: un kir de licor de sabugueiro, espumoso atlántico e mencía en lugar do simple champán.
Etiqueta Negra despediu este lunes a súa sétima edición cun grande éxito de público e de contactos entre profesionais do sector.
