lunes. 23.05.2022 |
El tiempo
lunes. 23.05.2022
El tiempo

Os castelos de Soutomaior e Sobroso abren as súas portas o vindeiro 2 de xuño

Recreación medieval en el castillo de Soutomaior. GONZALO GARCÍA
Recreación medieval no castelo de Soutomaior. GONZALO GARCÍA
Tamén o farán o centro Castro Deza e o Museo de Pontevedra. Carmela Silva asegurou que os recintos contarán "con todas as garantías e medidas de seguridade"

Os castelos de Soutomaior e Sobroso e o centro Castro Deza reabrirán as súas portas, igual que o fará o Museo de Pontevedra, o martes 2 de xuño. Así o asegurou este xoves a presidenta da Deputación. "Farano con todas as garantías e medidas de seguridade, con plans de continxencia específicos, creados para cada un destes recintos, e serán protocolos vivos, para adecuarse ás novas normas que se vaian aprobando", subliñou Carmela Silva. O obxectivo é "converter a todos os nosos equipamentos culturais en espazos seguros", engadiu.

En liñas xerais os plans contemplan medidas hixiénicas; recomendacións para persoas visitantes; medidas de prevención; protocolos de actuación concretos para a atención ás persoas visitantes, para reservas e vendas, para servizos turísticos, cesión de espazos, control de accesos e limpeza; e pautas de actuación para as empresas subministradoras, que deberán presentar un plan de medidas hixiénico-sanitarias.

Tanto nos castelos de Soutomaior e Sobroso como no centro Castro Deza reforzarase a limpeza, ventilación e desinfección; o persoal contará con equipos de protección; haberá controis de temperatura e habilitaranse zonas de espera específicas e medidas de distanciamento social, con marcadores de distancia de seguridade no chan. Será obrigatorio o emprego de mascarilla, tanto para o persoal como para as persoas visitantes e, no caso de Soutomaior, ao tratarse dun museo interactivo, serán tamén de obrigado uso as luvas. Amais, habilitaranse zonas de atención ao público e venda de entradas (aínda que se recomendará a compra online e o pago con tarxeta) e percorridos establecidos para garantir a seguridade das persoas que os visiten, sempre respectando as capacidades previstas segundo as fases establecidas no Plan para a Transición cara a Nova Normalidade.

Os castelos de Soutomaior e Sobroso abren as súas portas o vindeiro...
Comentarios