Comeza en Pontevedra o curso de operador de carretillas

Conta cun total de 24 horas de formación teórica e práctica e estenderase ata o vindeiro 24 de abril
Participantes do curso de operador de carretillas na primeira xornada. DP
photo_camera Participantes do curso de operador de carretillas na primeira xornada. DP

A Concellería de Promoción Económica, en colaboración con Ara Formación, vén de comezar este luns un curso de operador de carretillas, cun total de 24 horas de formación en quenda de mañá ata o vindeiro 24 de abril.

Deste xeito, na iniciativa os participantes adquirirán nocións de condución en baleiro e con carga e de elevación, cargas oscilantes, estantes e sistemas de almacenaxe; mantemento preventivo típico e emprego de equipos de protección individual, entre outras. 

Na parte práctica, que terá lugar o último día, os asistentes aprenderán a realizar o correcto manexo da carretilla sen carga, desprazamentos en múltiples direccións, xiros,uso de rampas, carga e descarga de camións, etc, conforme á Norma UNE 58451:2012, de Formación dos Operadores de Carretillas de Manutención ata 10.000 kg. 

Adicionalmente, a Concellaría dará pulo a outros cursos, que neste caso se adicarán á limpeza de locais comerciais, hospitalaria e de aloxamentos turísticos. 

Comentarios