sábado. 22.01.2022 |
El tiempo
sábado. 22.01.2022
El tiempo

Comeza o proxecto de renovación das pasarelas e reposición do pavimento da senda fluvial do Lérez

Unha das pasarelas da senda. DP
Unha das pasarelas da senda. DP
As actuacións, que contan cun orzamento de 25.000 euros, deron comezo coa tala de diversas árbores secas e permitirán rexenerar o treito que vai dende a praia fluvial ata Estación de Bombeo

Operarios da empresa de servizos forestais Redenor veñen de poñer en marcha, cunha tala de árbores secas, os traballos que permitirán a renovación integral das pasarelas e varandas de madeira e a reposición do pavimento do treito da senda do Lérez que discorre entre o seu inicio na avenida de Bos Aires, nas inmediacións da praia fluvial, e a Estación de Bombeo de Monte Porreiro.

O proxecto, impulsado pola Concellería de Desenvolvemento Sostible e Medio Natural e contratado a Redenor cun orzamento duns 25.000 euros, tamén contempla a reposición dunha pasarela de madeira duns 50 metros ao outro lado da estrada, entre a avenida de Bos Aires e a rúa Holanda, e que xa fora reparada de urxencia hai uns meses.

Segundo precisa Iván Puentes, edil responsable do departamento municipal, “esta tala inicial ten a finalidade de preparar toda a zona para a execución dos traballos, eliminando diversas árbores secas perigosas, que invadían o camiño ou que dificultaban o acceso aos piares e á base das pasarelas para poder acometer a súa rexeneración profunda”. “A partir destas actuacións preliminares -indica o concelleiro socialistarepararanse e reporanse tódolos listóns e táboas de madeira deteriorados ou rotos nas pasarelas e nas súas varandas, así como os elementos estruturais da senda”.

A intervención contempla ademais a reposición do pavimento naqueles puntos que o precisen, tanto para eliminar as fochas da senda como para darlle unha maior solidez ao firme.

O concelleiro de Desenvolvemento Sostible ten a intención de que, unha que se rematen estes traballos, o proxecto de rexeneración integral poida ter continuidade no treito que discorre entre a Estación de Bombeo de Monte Porreiro e a parroquia de Bora, de xeito que toda a senda fluvial do Lérez estea en óptimas condicións de conservación.

Comeza o proxecto de renovación das pasarelas e reposición do...
Comentarios