Miércoles. 19.12.2018 |
El tiempo
Miércoles. 19.12.2018
El tiempo

Comezan as obras do novo campo de fútbol de herba sintética de Ponte Sampaio

Máquinas traballando na zona. CHRISTIAN FERNÁNDEZ
Máquinas traballando na zona. CHRISTIAN FERNÁNDEZ

O equipamento vello será derrubado para poder duplicar o espazo de praia ▶ Os traballos teñen un prazo de seis meses

As obras do novo campo de fútbol de Ponte Sampaio, unha construción que vai a transformar toda a zona xa que vai a permitir derrubar o vello campo, aínda en uso, e estender o espazo de praia e lecer a beira do Verdugo, deron inicio este venres e contan cun prazo de execución de seis meses. Ata a parcela, na que xa están traballando as márquinas, achegouse o venres o concelleiro delegado da parroquia, Raimundo González, quen visitou a obra acompañado por representantes e técnicos da empresa construtora. Ediserpo é a encargada de levantar o novo campo de herba sintética, que terá "dimensións homologables" e no que "poderán xogarse dous partidos de fútbol 7 (agora 8) ao tempo", sinalou o edil. A instalación contará con dúas zonas de vestiario para árbitros e xogadores; unha grada; cantina; baños públicos e área de almacéns.

O proxecto foi adxudicado por 1.163.536 euros e a a súa oferta incluíu melloras nas instalacións e equipamentos, cinco anos de mantemento do céspede e mais o derrube do vello campo. O proxecto vai máis máis alá, pois a construción do novo campo nunha parcela de 11.000 metros cadrados de nova adquisición— vai a permitir ampliar a zona de praia do río Verdugo, ampliar os espazos verdes e de xogos infantís e mesmo crear unha pérgola deportiva multiusos e ampliar o aparcamento.

Comezan as obras do novo campo de fútbol de herba sintética de...
Comentarios