miércoles. 18.05.2022 |
El tiempo
miércoles. 18.05.2022
El tiempo

O Concello de Pontevedra acomete a limpeza dos dous espazos arqueolóxicos da cidade

Imaxe da limpeza dos espazos arqueolóxicos. DP
Imaxe da limpeza dos espazos arqueolóxicos. DP
Trátase de traballos manuais nas estruturas arqueolóxicas da praza de Valentín García Escudero e do Campiño de Santa María que se realizan periodicamente ao longo do ano

A pasada semana remataron os traballos de limpeza dos dous espazos arqueolóxicos da cidade de Pontevedra, os conxuntos da praza de Valentín García Escudero e do Campiño de Santa María. Os traballos afectan tan só ás propias estruturas arqueolóxicas e á contorna máis inmediata, e consisten na retirada de vexetación e na limpeza manual.

No caso da praza de Valentín García Escudero procedeuse á limpeza do xacemento que inclúe os vestixios da Ponte do Burgo mediaval, un tramo de muralla do século XVI e o malecón portuario do XV, así como á retirada de lixo acumulada neste espazo. No caso do Campiño de Santa María, os labores de limpeza atinxiron aos restos medievais do paño da muralla e da casa torre dos Montenegro.

Estes traballos foron realizados, na súa maior parte, exclusivamente de xeito manual e baixo a supervisión e indicacións do técnico municipal de patrimonio cultural, co obxectivo de non provocar ningún tipo de alteración nos distintos muros de ambos conxuntos. 

O mantemento periódico está enfocado a manter ambos espazos en boas condicións tanto de conservación como de visibilidade.

O Concello de Pontevedra acomete a limpeza dos dous espazos...
Comentarios