O Concello de Pontevedra instala os novos colectores amarelos

Son colectores de recollida lateral, o que mellorará substancialmente o seu vaciado.

Instalación dos novos colectores amarelos. DP
photo_camera Instalación dos novos colectores amarelos. DP

A Concellaría de xestión de Residuos Urbanos (RSU) comezou este martes a instalación dos novos colectores amarelos na ruta comprendida entre Benito Corbal, Loureiro Crespo, Cobián Roffignac, Avenida do Uruguai e Avenida de Bos Aires. Nesta primeira xornada, Ferrovial –empresa concesionaria do servizo– colocou 30.

O pasado 19 outubro, a concelleira Carme da Silva, anunciaba a retirada dos colectores de vidro da cidade para substituílos por novos. E esta madrugada comezou a colocación dos amarelos, que son similares aos colectores verdes pero con tapa amarela. Son colectores de recollida lateral, o que mellorará substancialmente o seu vaciado.

Polo momento están colocados o 60% dos colectores de vidro e nas vindeiras semanas simultanearase coa colocación dos novos colectores amarelos.
 

Comentarios