O Concello de Pontevedra está a traballar na posta en marcha unha liña de axudas polo covid. A primeira partida de Supera21 —nome da iniciativa— destinará 400.000 euros a financiar equipos informáticos para escolares, mentres que a segunda irá destinada aos colectivos de comerciantes da vila.
Os requisitos para optar a estas axudas, pensadas para estudantes de último ciclo de primaria, secundaria, bacharelato e FP, son estar empadroados en Pontevedra e presentar unha factura. Ademais, haberá un límite de ingresos, a partir do cal non se poderá optar á subvención
A portavoz do goberno, Anabel Gulías, explicou que esta convocatoria está pensada "para as persoas que neste confinamento se viron obrigadas a cambiar de hábitos, como os adolescentes ou as crianzas".
Aquelas persoas que tiveron que mercar equipos informáticos desde o principio do estado de alarma optarán á subvención, que será de entre 350 e 400 euros por persoa.
COMERCIANTES. Gulías explicou tamén que xa mantivo varias reunións cos colectivos de comerciantes e asociacións para perfilar outra liña de axudas.