O Concello de Pontevedra anunciou este xoves que o Chalé de Fontoira volverá a funcionar con normalidade os próximos días. O lugar sufriu un conato de incendio na segunda e terceira planta a consecuencia dun radiador.
Debido a este lume, foi necesario realoxar parte dos Servizos Sociais na Casazul.
O Concello detallou que os traballos consistirán no pintado das dúas plantas, a substitución do chan nos lugares onde sufriu máis as consecuencias do incendio, o lacado das portas damnificadas e o cambio de radiadores.
Aínda que o conato se produciu na segunda planta, tamén a terceira se viu afectada, de aí o traslado dos traballadores de forma temporal, mentres se realizan os traballos de recuperación.