O Concello de Pontevedra, a través do alcalde, Miguel Anxo Fernández Lores, sumouse este venres á chamada a participar na mobilización polo idioma, prevista para o 17 de maio en Santiago de Compostela, ante uns "datos arrepiantes" en canto ao uso da lingua galega. Así o manifestou Lores nun acto da plataforma Queremos Galego, A Mesa pola Normalización Lingüística e o sindicato CIG, no Museo, no que se lembrou que nas escolas infantiles das cidades galegas só se usa o idioma propio nun 8% dos casos, e que as contratacións de seguros en galego non chegan ao 1%, mesma porcentaxe de uso no ámbito da xudicatura.
O presidente de A Mesa, Marcos Maceira, referiuse de xeito específico á discriminación que sofre o idioma no ámbito audiovisual. "O galego só está presente no 0,5% das series e películas que se ofrecen nas distintas plataformas", explicou, ao tempo que falou dos perigos que a institución percibe na nova lei audiovisual, "que prevé incorporar ao español só algunha lingua cooficial, polo que o galego corre o perigo de quedar fóra".
Nas escolas infantiles das cidades galegas só se usa o idioma propio nun 8% dos casos. As contratacións de seguros en galego non chegan ao 1%, mesma porcentaxe de uso no ámbito da xudicatura. Na oferta das plataformas
Para Maceira, "isto é un insulto á sociedade galega, que quero lembrar que en plena pandemia puxo en marcha a Iniciativa Xabarín, na que se reivindicaban contidos específicos en galego para as crianzas, respaldada por máis de 30.000 sinaturas e aprobada por unanimidade no Parlamento galego". E rematou: "Non podemos consentir este insulto e este desprezo, Os dereitos lingüísticos deben ser os mesmos para todos".
Ademais de calificar de arrepiantes os datos facilitados por A Mesa, Lores chamou a mobilizarse o 17 de maio porque "detrás de todo isto, eu vexo tamén moita esperanza".
