Afundación vén de abrir a convocatoria para o XVIII Premio Francisco Fernández del Riego, un certame ao que se poden presentar tanto artigos literarios como de opinión, escritos en galego e publicados entre o 1 de xaneiro e o 31 de decembro de 2020 en calquera medio de comunicación, impreso ou dixital. O galardón está dotado con 10.000 euros. As bases completas poden consultarse en www.afundacion.org.
O Fernández del Riego é o único premio que actualmente Afundación mantén en Pontevedra tras trasladar o Julio Camba, dirixido a artigos en castelán e creado por Caja de Ahorros de Pontevedra en 1979, a Madrid en 2019.