viernes. 03.04.2020 |
El tiempo
viernes. 03.04.2020
El tiempo

Convocan unha concentración na Boa Vila para 'defender' Lourizán

Acto simbólico celebrado este domingo no Camposanto da Dignidade, nos Praceres. CEDIDA
Acto simbólico celebrado este domingo no Camposanto da Dignidade, nos Praceres. CEDIDA
A plataforma 'Non á ampliación' da EDAR lanza "un SOS" para implicar á cidadanía e esixir á Xunta que recupere a fachada marítima

A Plataforma Veciñal Non á ampliación de Lourizán convoca á cidadanía a unha concentración o vindeiro venres, 8 de novembro, para lanzar "un SOS" pola parroquia e reclamar "xustiza" para ela, segundo informou este domingo nun comunicado. Será ás 20.00 horas, diante da Audiencia Provincial de Pontevedra. A intención é que, "entre todos, lle esixamos á Xunta que o noso modelo de cidade pasa por recuperar a nosa fachada marítima, e non por enterrala en toneladas de formigón".

A veciñanza considera que "chegou o momento de recuperar a fachada litoral da ría e comezar a correxir os erros históricos", xa que "non se pode seguir afondando neles", tal como "pretende a Xunta, negándolle o futuro a Lourizán e a Pontevedra".

O anuncio coincide coa celebración, por segundo ano consecutivo, dun acto no chamado Camposanto da Dignidade dos Praceres, no que a veciñanza quixo simbolizar "o enterro da parroquia de Lourizán".

Nesta nova performance os veciños presentaron os seus respectos á parroquia de Lourizán, recreando a tradición de Defuntos de visitar aos mortos. "Aínda que Lourizán é unha morta moi viva, os veciños non poden obviar que se trata dunha parroquia moribunda, pola sucesión de decisión políticas aberrantes das últimas décadas e que nestes momentos a Xunta de Galicia pretende acabar de masacrar, triplicando a EDAR actual", denuncian.

O proxecto de ampliación da depuradora que a Xunta de Galicia quere poner en marcha "supón un atentado contra o sentido común". Afirman que Lourizán é a fachada litoral de Pontevedra, pero en lugar de ocupar "o lugar central que lle corresponde no desenvolvemento urbano", acabou convertida no "patio traseiro" do Concello.

Por iso a veciñanza considera que "chegou o momento de recuperar a fachada litoral da ría e comezar a correxir os erros históricos", xa que "non se pode seguir afondando neles", tal como "pretende a Xunta, negándolle o futuro a Lourizán e a Pontevedra".

Convocan unha concentración na Boa Vila para 'defender' Lourizán
Comentarios