lunes. 26.10.2020 |
El tiempo
lunes. 26.10.2020
El tiempo

A Deputación comeza o desbroce dos terreos do séptimo edificio do Museo

Traballos de desbroce, este mércores, na parcela do Concello en Valdecorvos. GONZALO GARCÍA
Traballos de desbroce, este mércores, na parcela do Concello en Valdecorvos. GONZALO GARCÍA
A roza da maleza da parcela de Valdecorvos usaranse para facer compostaxe ►Os traballos anticipan o deseño do futuro inmoble

A Deputación comezou este mércores a roza da maleza e arborado da parcela de Valdecorvos na que se construirá o séptimo edificio Museo, adicado á arqueoloxía, co fin de iniciar os estudos previos para desenvolver o deseño do novo inmoble. Unha empresa de Sanxenxo é a encargada de realizar a tarefa, que se desempeñará con medios mecánicos e manuais para deixar limpos os 9.509 metros cadrados da finca.

A actuación de desbroce estaban previstos para hai semanas pero tiveron que ser adiados polas restricións derivadas da crise sanitaria da Covid-19 xusto cando se ían iniciar. Varios operarios e maquinaria de diferente tamaño e alcance e a previsión é que finalicen esta semana se non se producen complicacións, deixando a finca totalmente accesible e libre de árbores, silveiras e outros matoxos. "Terase especial coidado de deixar sen talar algúns exemplares singulares", sinalaron o mércores responsables da Deputación a través dun comunicado de prensa.

O seguinte paso será a elaboración dun estudo taquimétrico, para coñecer a situación do terreo e os seus posibles desniveis. Este informe será esencial para encaixar o inmoble, que terá entre 3.500 e 4.000 metros cadrados.

A continuación comezarse co deseño, para o que será necesario facer un informe topográfico. A construción asemellarase ao concepto do Centro de Coleccións Patrimoniais de Guipúscoa, o Gordailua, que foi concebido aloxar fondos de valor arqueolóxico.

A roza da maleza da parcela de Valdecorvos converterase nun recurso en lugar de ser un elemento do que desfacerse. De feito, a coordinación entre o persoal técnico do Museo e a equipa do Plan Revitaliza permitirá que todo ese material leñoso se destine a estruturante para compostaxe. Así, a empresa responsable do desbroce levará todo o material cortado a Prícipe Felipe.

A Deputación comeza o desbroce dos terreos do séptimo edificio do...
Comentarios