A Deputación de Pontevedra, a través de SmartPeme, oferta esta semana cinco novas accións formativas impartidas de xeito online, enmarcadas na carteira de obradoiros que se imparten de forma telemática pola institución provincial.
As accións versan sobre plan de márketing e fotografías para a vindeira campaña de Nadal, debuxo con Onshape, email márketing e comercio electrónico.
Todas estas iniciativas estarán dirixidas por expertos como Laura Carrera, Manuel Freire, Fátima Faílde, Lara Taboada e Adrián Fernández.
