Un total de 10 persoas resultaron feridas de carácter leve en dúas colisións múltiples ocorridas este martes en Cambre e Pontevedra.
Segundo informa o 112, na Boa Vila sufriron lesións catro persoas, de carácter leve, nun choque por alcance entre tres vehículos que circulaban pola PO-531, á altura de Campañó. Até a zona do suceso, que ocorreu ás 13.45 horas, desprazáronse efectivos da Garda Civil, os Bombeiros e Protección Civil, así como persoal sanitario do 061.
O outro sinistro tivo no lugar do Pontido, na parroquia de Sigrás de Cambre, sobre as 12.30 horas, e nela víronse implicados tres turismos. Até a zona desprazáronse efectivos da Garda Civil, os Bombeiros de Arteixo e Protección Civil de Cambre. Persoal sanitario do 061 atendeu no punto a seis feridos leves.
