jueves. 24.06.2021 |
El tiempo
jueves. 24.06.2021
El tiempo

"As distancias non se miden xa en días ou semanas, senón en poucas horas"

Antonio Rodríguez Miranda. ARCHIVO
Antonio Rodríguez Miranda. ARQUIVO
Antonio Rodríguez Miranda, Secretario Xeral de Emigración da Xunta de Galicia ► Destaca que, aínda que a emigración segue vixente actualmente, o saldo migratorio é positivo e Pontevedra gañou 5.444 habitantes en 2019

O éxodo do século XXI nada ten que ver co de mediados do XIX, cando milleiros de galegos fixeron as Américas. Por que se caracteriza a emigración de hoxe en día?

Trátase de dous tipos de movementos migratorios moi diferentes. Dende o punto de vista cuantitativo, a emigración do século pasado deixou grandes ondas de galegos marchando cara o estranxeiro, principalmente a América; mentres que no século XXI o número de galegos nacidos en Galicia que residen no exterior descende ano tras ano. Só na última década, por exemplo, hai 13.000 emigrantes galegos menos vivindo no estranxeiro. Mesmo o tipo de emigración é moi diferente. A do século pasado, entendida no contexto dunha época moi convulsa e marcada polas diferentes guerras, tiña un destino máis afastado e permanente: a xente que emigraba cara América facíao coa idea de volver, aínda que sendo conscientes de que dificilmente o poderían facer. Establecíanse no seu país de destino e formaban unha familia a milleiros de quilómetros de distancia. A mobilidade actual, fundamentalmente en Europa, enmárcase nunha sociedade global na que as distancias non se miden xa en días ou semanas, senón nunhas poucas horas, e na que as novas tecnoloxías permiten unha conexión directa coa familia e amigos de forma habitual. Nos tempos actuais, a gran maioría das persoas que marchan ao exterior fano con varios obxectivos como a busca de novas oportunidades laborais ou a propia adquisición de experiencia laboral, así coma coñecementos e outros valores que lles sirvan de utilidade cando chegue o momento de plantexarse o regreso a Galicia.

Pese a que a tendencia é de retorno de emigrantes, o certo é que a provincia de Pontevedra aumentou a cifra de emigración externa anual desde 2002 ata agora.

O concepto de emigración, tal como comentabamos hai un momento, mudou nas últimas décadas. Proba diso é que, malia que os pontevedreses seguen saíndo ao exterior e a outras comunidades autónomas (cousa que non é de estrañar no mundo globalizado no que vivimos), o saldo migratorio, é dicir, a diferenza entre os galegos que saen e os que chegan, segue a ser positiva. Galicia bateu este ano o récord da serie histórica cun saldo migratorio positivo de 17.474 persoas, e Pontevedra non é unha Antonio Rodríguez Miranda. dp excepción. A provincia gañou 5.444 habitantes grazas aos movementos migratorios en 2019 fronte aos 3.613 que gañou no ano 2002, pero coa diferenza de que hai 18 anos chegaban a Pontevedra 194 galegos máis dos que saían, e hoxe son 837. É dicir, que a provincia segue a funcionar como un polo de atracción tanto de emigrantes que retornan como de estranxeiros que vén na comunidade o lugar axeitado para establecerse persoal e laboralmente. Así, se en 2019 saíron 6.124 persoas para outras CCAA, entraron dende estas 6.139 e, o que é máis significativo, saíron 3.621 cara o estranxeiro, pero entraron 8.780 persoas. Polo tanto, o saldo migratoria é positivo, sendo as entradas máis do dobre que as saídas. Estes datos veñen a confirmar que no ano 2019 temos os mellores datos de saldos migratorios tanto en Galicia como na provincia de Pontevedra dos últimos 10 anos e que estes movementos son fundamentais para superar o reto demográfico ao que se enfronta, non só Galicia, senón a meirande parte das comunidades autónomas.

A partir do ano 2017 os datos xa van decrecendo, e de 11.688 persoas contabilizadas en 2017 a cifra anual diminuíu a 9.745. Será esta a tendencia?

Si, como diciamos ao inicio, a tendencia actual é unha diminución progresiva das saídas e un incremento das chegadas de persoas a Galicia desde o estranxeiro, o que arroxa saldos migratorios positivos con incrementos interanuais moi significativos. Na provincia de Pontevedra, por exemplo, o saldo migratorio medrou un 70% entre 2018 e 2019. Sen dúbida, a pandemia da COVID-19 veu cambiar a situación, pasando dun panorama de forte crecemento do emprego e da economía galega, incluso por enriba da media de España, a unha situación de incerteza na que debemos ser prudentes á hora de sinalar as tendencias que marcarán os próximos anos. Dende a Xunta de Galicia seguiremos apoiando de forma decidida a todas e todos as galegas e galegos que residen fóra das nosas fronteiras, pero tamén a aqueles que queiran regresar á súa terra. O retorno é un acto de xustiza para milleiros de galegos, pero tamén se trata dun factor clave para superar este gran desafío demográfico ao que se enfronta toda a vella Europa, así como o económico, derivado da actual situación de pandemia.

"As distancias non se miden xa en días ou semanas, senón en poucas...
Comentarios
ç