Ravachol arde para poñerlle fin ao Entroido

O papagaio, xa finado, foi incinerado na Praza da Ferraría entre prantos e despedidas

A esquela pendurada da porta da botica de Perfecto Feijoo anunciaba a morte de Ravachol e, con ela, a fin do Entroido, dende a mañá deste sábado. O papagaio protagonista do Carnaval pontevedrés faleceu tras unha semana de troula, disfraces, murgas, parodias, orellas e filloas.

Despois dun longo velorio que durou toda a tarde e ao que os asistentes acudiron de rigoroso loito, o cortexo fúnebre percorreu as rúas do centro de Pontevedra para despedir ao paxaro do boticario Perfecto Feijoo. As comparsas Amoriños de Bora, Os Canecos, Os Paparrulos, Os Solfamidas, Las Flores del Carnaval, Vamos a Todo e Os da Caña acompañaron ao féretro ata a Praza da Ferraría, onde tivo lugar a incineración do finado.


Máis información na edición impresa de Diario de Pontevedra deste domingo

Comentarios