martes. 25.02.2020 |
El tiempo
martes. 25.02.2020
El tiempo

Edugal pecha a súa novena edición cunhas 13.000 visitas

Showcooking do CIFP Carlos Oroza na xornada de clausura. GONZALO GARCÍA
Showcooking do CIFP Carlos Oroza na xornada de clausura. GONZALO GARCÍA
As charlas de arbitraxe, a representación da Escola de Arte Drámática ou a Rede de Escolas Unesco triunfaron na completa programación

Edugal, o Salón de Oferta de Educación e Formación de Galicia pechou este venres as súas portas no Recinto Feiral cun éxito de asistencia e programación nos últimos tres días. O balance provisional, a falta de pechar as cifras, fala de entre 12.000 e 13.000 visitantes, segundo explicou a directora da feira, Conchi Pereiro, de Aempe. "Viñeron estudantes e colexios de toda Galicia, sobre todo polas mañás, e pola tarde moitas familias".

Entre os 56 expositores presentes nesta novena edición ("na décima teremos que facer algo especial", apuntou) chamaron á atención algúns dos debutantes, como a Federación Galega de Fútbol, que incluíu a ponencia dunha árbitra, ou as Escolas Asociadas á Unesco, que encheron aforo coa charla sobre a emerxencia climática. Os 18 stands da UVigo tamén atraeron a moito público, así como o obradoiro da Escola Superior de Arte Dramática de Galicia, o obradoiro de hostalería do CIFP Manuel Antonio ou o showcooking do CIFP Carlos Oroza, previo á clausura, e que afonda na idea da cociña de aproveitamento. "A idea era ensinar cousas sinxelas que podemos facer na casa.

A proposta era aproveitar sobras do cocido para facer un friame con eles, acompañado das patacas, presentadas en forma de puré e aderezadas con aceite de oliva e pimentón", explicou Pilar Tallón, vicedirectora do centro.

Edugal pecha a súa novena edición cunhas 13.000 visitas
Comentarios