sábado. 26.09.2020 |
El tiempo
sábado. 26.09.2020
El tiempo

Ence e o sector comprométense a impulsar unha "recuperación verde" en Europa

Imagen de la factoría de Ence, en Lourizán. ADP
Imagen de la factoría de Ence, en Lourizán. ADP
Xunto aos membros da confederación de industrias papeleiras buscará solucións ecolóxicas trala crise da Covid-19

Ence, como compañía membro da Confederación de Industrias Papeleiras Europeas (CEPI, as súas siglas en inglés), subscribe e apoia decididamente a Alianza Europea para unha Recuperación Verde, segundo afirmou este venres nun comunicado. Trátase dun compromiso conxunto para impulsar solucións ecolóxicas e sostibles na estratexia da Unión Europea para a recuperación tras a crise sanitaria causada polo coronavirus.

"O cambio climático e a defensa da biodiversidade son os alicerces das políticas que esta alianza pretende promover e implantar no territorio comunitario", explica. Os asinantes do manifesto comprométense a participar na loita e na vitoria destas dúas batallas simultáneas: a sanitaria e a climática.

O sector da celulosa e o papel está "decididamente implicado" no impulso da excelencia ambiental, a bioeconomía e o crecemento sostible. A CEPI e os seus membros en toda Europa, entre eles Ence, apoian con determinación esta Alianza Europea para unha Recuperación Verde.

180 APOIOS. A iniciativa foi presentada por Pascal Canfin, presidente da Comisión de Medio Ambiente do Parlamento Europeo. O seu manifesto está apoiado por 180 responsables políticos, directivos de grandes multinacionais, sindicatos, ONG e expertos.

Todos eles acordaron traballar xuntos para crear, apoiar e implementar investimentos que permitan a recuperación económica tras a crise causada pola pandemia, mantendo ao mesmo tempo a loita contra o cambio climático como alicerce crave da estratexia da Unión Europea en materia económica. Preténdese a mobilización de paquetes de investimento verde, para "preparar as nosas economías para o mundo de mañá", tal e como recolle o manifesto.

A procura dunha sociedade neutra en carbono e o avance cara a unha transición ecolóxica xusta son un "eixo fundamental" do modelo de negocio de Ence, unha compañía "comprometida firmemente coa loita contra o cambio climático", asegura na nota.

Ence e o sector comprométense a impulsar unha "recuperación verde"...
Comentarios