A igrexa de Virxe do Camiño acolleu este luns pola mañá o funeral de Ana Baquero, actual presidenta da Coral Bella Helenes de Pontevedra. Baquero, faleceu o 30 de xaneiro, aos 73 anos, tras ter inhalado gases tóxicos nun incendio que se produciu na súa casa da Avenida de Vigo.
Tras exercer como unha das súas voces femininas, Ana Baquero asumiu en decembro de 2018 a presidencia da Coral Bella Helenes, agrupación fundada en 1987 en Pontevedra da man da Asociación de Amas de Casa e que pasou por diferentes etapas ao longo da súa historia. Con ela como presidenta e con Vanessa Tilve como directora, estaba desenvolvéndose a última delas.
Ana Baquero asumiu o seu cargo co obxectivo principal de divulgar o máis amplamente posible o traballo de Bella Helenes. "Una de las primeras ideas por las que quería apostar era la de dar a conocer más esta agrupación"·, explicaba nunha reportaxe de Diario de Pontevedra publicada en febreiro de 2019, na que reivindicaba a tradición musical pontevedresa e explicaba como o traballo que se facía nas distintas agrupacións corais da cidade ía máis alá do exclusivamente musical. "Para muchos de nosotros, Bella Helenes es casi una segunda familia", indicaba.
