lunes. 24.02.2020 |
El tiempo
lunes. 24.02.2020
El tiempo

A Feira Franca acollerá 250 xantares de particulares e 150 mesas de hostalaría

Un momento da Feira Franca do ano pasado. DP
Un momento da Feira Franca do ano pasado. DP

Recibíronse 152 propostas para participar no mercado, tanto de artesáns como de alimentación

A Oficina da Feira Franca pechou o luns o prazo para a recepción das solicitudes de particulares e empresas para participar na vindeira edición do 6 e 7 de setembro.

Segundo os datos que obran no departamento, recibíronse 152 propostas para participar no mercado (tanto de artesáns como de alimentación), 250 solicitudes de particulares para xantares e ceas, e 150 peticións da hostalería do ámbito de celebración da Feira Franca.

A Oficina, situada no edificio municipal de Alfonso XIII, permanecerá aberta de 10 a 14 horas, durante os vindeiros días para atender as propostas das persoas que participen na Feira.

Nesta edición da festa, o Consello Aberto da Feira Franca decidiu aproveitar o 20 aniversario desta emblemática cita na cidade para elixir como temática a propia Feira Franca. Con esta decisión preténdese homenaxear a todos os participantes, como asociacións ou particulares, que durante estes 20 anos converteron a Feira nunha das citas máis significativas do verán galego.

A Feira Franca acollerá 250 xantares de particulares e 150 mesas de...
Comentarios