Esta fin de semana volve á Boa Vila o programa infantil O Ganapán

A iniciativa, impulsada pola concellería de Promoción Económica e Turismo, contempla obradoiros de cociña nos que a imaxinación e as manualidades serán as principais protagonistas
Uns pequenos cociñeiros preparan unha receita no Ganapán do Mercado. RAFA FARIÑA
photo_camera Imaxe de aquivo duns pequenos cociñeiros preparando unha receita no Ganapán do Mercado. RAFA FARIÑA

Esta fin de semana volve o programa de lecer infantil O Ganapán, unha proposta de actividades pensada para os nenos e nenas máis larpeiros e creativos.

A iniciativa, impulsada pola concellería de Promoción Económica e Turismo, contempla obradoiros de cociña nos que a imaxinación e as manualidades serán as principais protagonistas. 

Os talleres levaranse a cabo en dúas sesións, ás 11.00 e as 12.30 horas, e todos os que queiran participar deben inscribirse no correo [email protected] antes do venres ás 16.00 horas. 

Entre as actividades que se realizarán o sábado salienta a elaboración dun biscoito marmolado, que fusiona chocolate e vainilla, e uns polbos xoguetóns a base de vasos e tarrinas de cartón. 

A edil Yoya Blanco, como responsable da concellería organizadora, explica que o domingo 20 de marzo está previsto un taller no que a rapazada terá oportunidade de elaborar unhas chocobombs ou esferas recheas de chocolate e outro no que poderán crear uns foguetes espaciais para viaxar entre constelacións, planetas e cometas". 

Comentarios