miércoles. 12.08.2020 |
El tiempo
miércoles. 12.08.2020
El tiempo

"Fixémonos maiores, xa nos premian"

César Portela, Rafael López Torre, Xaime Toxo e Xosé Fortes (de esquerda a dereita), onte, no espazo Nemonon.
César Portela, Rafael López Torre, Xaime Toxo e Xosé Fortes (de esquerda a dereita), onte, no espazo Nemonon.
Xaime Toxo recolle, en nome do Ateneo, o I Premio Tertulia del Carabela reivindicando un centro de interpretación para o Camiño Portugués e a candidatura de Pontevedra a capital europea da cultura

Alfonso Zulueta de Haz, Gonzalo Torrente Ballester, Juan Vidal Fraga... Todos foron saíndo no discurso de agradecemento que pronunciou este sábado Xaime Toxo, presidente do Ateneo de Pontevedra, á hora de recoller, no nome desa institución, o I Premio Tertulia del Carabela, un galardón que fallou por primeira vez o grupo de amigos que se reúne todos os sábados pola mañá no histórico café pontevedrés e que encabezan o historiador Xosé Fortes, o arquitecto César Portela e o xornalista Rafael López Torre.

Toxo, que repasou de xeito pormenorizado a historia cultural da capital da provincia e os seus principais protagonistas, dende a creación do Ateneo en 1963 ata a actualidade, acabou reivindicando, entre outras cousas, unha mellor conservación do parque de arte contemporáneo que é a Illa das Esculturas e a necesidade de creación dun centro de interpretación para o Camiño Portugués. "Pontevedra debe aspirar a ser capital europea da cultura, porque ese binomio, o de Pontevedra e cultura, funciona".

O espazo Nemonon, que xestiona o arquitecto Mauro Lomba, acolleu a entrega deste galardón que o grupo da autodenominada Tertulia del Carabela decidiu fallar este ano co gallo do seu XXV aniversario.

O acto comezou coa lectura da acta do xurado por parte de Rafael López Torre. A continuación, Xosé Fortes explicou as razóns que os levaran a crear este premio para recoñecer unha labor cultural. "La cultura es como una especie de gafas que nos permite ver lo que se no se observa a simple vista". Finalmente, César Portela destacou que se premiaba ao Ateneo "por su fantástica labor" e polo seu compromiso coa liberdade, a independenza e o traballo polos demais.

"Fixémonos maiores, xa nos premian"
Comentarios