martes. 29.09.2020 |
El tiempo
martes. 29.09.2020
El tiempo

Os fogos artificiais da Peregrina serán a diario e en lugares sorpresa

Unha tirada de fogos de artificio nas Festas da Peregrina do ano 2019. DAVID FREIRE
Unha tirada de fogos de artificio nas Festas da Peregrina do ano 2019. DAVID FREIRE
Os espectáculos pirotécnicos durarán sete minutos, desde as doce da noite, e realizaranse en diferentes localizacións da cidade

A concelleira de Festas, Carme da Silva, anunciou que nesta edición das Festas da Peregrina 2020 haberá unha tirada de fogos de artificio cada día. Os espectáculos pirotécnicos , que reducen a súa habitual duración de 15 minutos a un total de sete, serán en "ubicacións sorpresa" e en distintos barrios da cidade.

A idea nace da necesidade de evitar aglomeracións, pois, en palabras da concelleira, "os fogos sempre aglutinaron a un número moi elevado de persoas, algo que este ano volvese inviable por mor da pandemia". A decisión de non revelar o emprazamento das tiradas, explica, a súa vez, a non inclusión destes espectáculos de luz e cor na programación de verán.

Do mesmo xeito, Da Silva, quiso salientar o bo funcionamento de todos os ciclos lúdico-culturais que o Concello de Pontevedra puxo en marcha dentro do programa festivo Pontevedra Vívese!. "A oferta de actividades simultáneas demostrou ser unha alternativa viable para a celebración dunhas festas sen aglomeracións", indicou. Ademais, a concelleira alabou "o comportamento exemplar" da cidadanía, "respetando, en todo momento, as normas de aforo e hixene implantadas en cada actuación, para garantir a seguridade sanitaria".

'BARULLADA DE ROCK'. O programa de festas Pontevedra Vívese! estrea este xoves un novo ciclo musical adicado ás corrente máis rockeiras: Barullada de Rock.

Para os amantes do rock and roll a nova proposta traerá a Boa Vila un total de dez agrupacións musicais pontevedresas e da comunidade galega, que actuarán tanto en horario de mañá coma de tarde en cinco escenarios diferentes: a Alameda, a Praza de Barcelos, as pistas de Campolongo, a Praza da Ferrería, e a Praza do Concello.

Os fogos artificiais da Peregrina serán a diario e en lugares sorpresa
Comentarios