O primeiro paso para a creación da Fundación Manuel Moldes está dado. O vicepresidente da Xunta, Alfonso Rueda, e o conselleiro de Cultura, Román Rodríguez, acompañados por membros da familia do artista pontevedrés e por mestres da Facultade de Belas Artes anunciaron que o último andar do edificio da Xunta de Galicia na rúa Benito Corbal, recén reformado, será a súa sede.
Segundo explicou Rueda, a intención é que a Fundación estea funcionando o ano que vén. O conselleiro indicou que se están dando os primeiros pasos para a constitución da Fundación e que a Xunta asumirá os 250.000 euros que custará reformar ese andar para adaptalo ao que, con toda probabilidade, será un espazo que acollerá unha exposición permanente do artista
